सप्तकोशीमा जेटबोट सञ्चालन, पहाडी भेगका यात्रुलाई सहज

इनरुवा– सुनसरीको चतरास्थित सप्तकोशी नदीमा जेटबोट सञ्चालनमा ल्याइएको छ।

सप्तकोशी भएर आवतजावत गर्न सहज होस् भने उद्देश्यले जेटबोट सञ्चालनमा ल्याइएको प्रमुख जिल्ला अधिकारी रामचन्द्र तिवारीले जानकारी दिए।

 वर्षा रोकिएसँगै सप्तकोशीमा जलसतह र बहाव घट्दै गएपछि पुनः जेटबोट सञ्चालन गरिएको हो। बर्खा समय शुरू भएपछि जेटबोट सञ्चालनका लागि सुनसरी प्रशासनले रोक लगाएको थियो। 

दसैँका बेलामा जेटबोटको माध्यमले चतराबाट १० मिनेटमा भोजपुरसम्मको यात्रा गर्न सकिने जनाइएको छ। चतराबाट बराहक्षेत्र हुँदै भोजपुरको सिमाना हतुवागढीसम्म जेटबोट सञ्चालन हुँदै आएको छ।

चतराबाट एकतर्फी भाडा प्रतिव्यक्ति ७०० रुपैयाँ कायम गरिएको सञ्चालक नवीन पौडेलले जानकारी दिए। 

जेटबोट सञ्चालन भएपछि भोजपुरको दक्षिणी क्षेत्र, धनकुटाका सिम्ले, अखुवाटार, त्रिवेणी, सांमालगायत ठाउँमा आउजाउ तथा खाद्यान्न ढुवानी सहज भएको छ।