कञ्चनपुरमा जंगली हात्तीको आक्रमणबाट १ जनाको मृत्यु

कञ्चनपुर– बेलौरी नगरपालिका–५ स्थित पुष्पलाल स्मृति सामुदायिक वनमा २२ वर्षीय उमेश चौधरीको जंगली हात्तीको आक्रमणमा मृत्यु भएको छ। 

सोमबार राति से४प ८६१८ नम्बरको मोटरसाइकलमा वडा नं ६ ढक्काचाँदरस्थित घरतर्फ जाँदै गरेका चौधरीलाई हात्तीले आक्रमण गरेको कुण्डा सबडिभिजन वन कार्यालयका प्रमुख दिनेशकुमार यादवले बताए। 

एक साताअघि मात्र हात्तीको आक्रमणमा परी लालाझाडी गाउँपालिका–४ डाँडाजाइका ५९ वर्षीय रामदल रानाको मृत्यु भएको थियो।