मणिपाल अस्पतालको तेस्रो तलाबाट खसेर वृद्धाको मृत्यु

पोखरा– कास्कीको पोखरामा रहेको मणिपाल अस्पतालको तेस्रो तलाबाट खसेर एक वृद्धाको मृत्यु भएको छ। 

पोखरा-११ फूलबारीस्थित मणिपाल अस्पतालको तेस्रो तलाबाट खसेर शुक्रबार ६५ वर्षीया धनसरा घर्तीको मृत्यु भएको प्रहरीले जनाएको छ।

पोखरा-१८ सराङकोटकी घर्ती बिरामी भेट्न अस्पतालमा आएको प्रहरीको भनाइ छ।

जिल्ला प्रहरी कार्यालय कास्कीका प्रहरी निरीक्षक ज्ञान खड्काले घटनाबारे थप अनुसन्धान भइरहेको बताए।