तोलामा २ हजार रुपैयाँले बढ्यो सुनको मूल्य

काठमाडौँ– सुनको मूल्य हालसम्मकै उच्च भएको छ। बिहीबार तोलामा १ लाख ६२ हजार ४०० रुपैयाँ रहेको सुन एकै दिन २ हजार रुपैयाँले बढेको हो। 

शुक्रबार नेपाली बजारमा छापावाल सुनको मूल्य तोलामा १ लाख ६४ हजार ४०० रुपैयाँ कायम भएको नेपाल सुनचाँदी व्यवसायी महासंघले जनाएको छ। 

यस्तै, चाँदीको मूल्य पनि बढेको छ। चाँदी तोलामा १ हजार ९८० रुपैयाँ तोकिएको छ। बिहीबार १ हजार ९५० रुपैयाँ थियो।