पहाडी भूभागमा हल्का वर्षाको सम्भावना

काठमाडौँ– देशभर पश्चिमी वायुका साथै स्थानीय वायुको पनि केही प्रभाव रहेको छ। 

जसको प्रभावले कोशी, बागमती, गण्डकी, कर्णाली र सुदूरपश्चिममा आंशिकदेखि साधारणतया बदली रहेको छ। कोशी र बागमतीका एक-दुई स्थानमा हल्का वर्षा भइरहेको मौसम पूर्वानुमान महाशाखाले जनाएको छ।

दिउँसो पहाडी भूभागमा आंशिकदेखि साधारणतया बदली रहनेछ। पहाडी भूभागका एक-दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ।

राति कोशी, मधेश, बागमती, गण्डकी र लुम्बिनीसहित पहाडी भूभागमा आंशिकदेखि साधारणतया बदली रहनेछ। यी प्रदेशका पहाडी भूभागका एक-दुई स्थानमा वर्षासमेत हुने महाशाखाले जनाएको छ।