यस्तो रहनेछ आइतबारको मौसम

काठमाडौँ– देशभर पश्चिमी वायुका साथै स्थानीय वायुको पनि प्रभाव रहेको छ।

जसका कारण कोशी, मधेश, बागमती, गण्डकी, कर्णाली र सुदूरपश्चिमका केही भूभागमा आंशिकदेखि साधारणतया बदली रहेको छ। बाँकी भूभागमा मुख्यतया सफा रहेको मौसम पूर्वानुमान महाशाखाले जनाएको छ। 

कोशी, मधेश, बागमती र कर्णालीका थोरै तथा गण्डकी र सुदूरपश्चिमका पहाडी भूभागमा मेघगर्जन र चट्याङसहित हल्कादेखि मध्यम वर्षा भइरहेको छ।

दिउँसो कोशी, मधेश, बागमती, गण्डकी र लुम्बिनीमा  आंशिकदेखि साधारणतया बदली रहनेछ। कोशी, मधेश र बागमतीमा मेघगर्जन र चट्याङसहित हल्कादेखि मध्यम वर्षाको सम्भावना छ।

महाशाखाका अनुसार कोशी, मधेश, बागमती, गण्डकी र लुम्बिनीका थोरै स्थानमा राति पनि हल्कादेखि मध्यम वर्षा हुनेछ।