इराक र सिरियामा टर्कीको आक्रमण

टर्की सरकारले बुधबार राति इराक र सिरियामा रहेको कुर्दिश चरमपन्थी संगठन पीकेकेको स्थानमा आफ्नो सेनाले आक्रमण गरेको जनाएको छ। टर्कीले यस संगठनलाई हिजो अंकारामा भएको आक्रमणको जिम्मेवार ठहराएको छ।

बुधबार टर्कीको राजधानी अंकाराबाट ४० किलोमिटर टाढा रहेको सरकारी एरोस्पेस उद्योगबाहिर हमला भएको थियो, जसमा पाँच जनाको मृत्यु भएको थियो भने २२ जना घाइते भएका थिए। टर्कीले कुर्दिश संगठन पीकेकेलाई यो हमलाको आरोप लगाएको थियो। आक्रमणका धेरै भिडियोहरू पनि बाहिर आएका थिए, जसमा दुई बन्दुकधारीहरू एयरोस्पेस उद्योगको प्रवेशद्वार नजिकै गोली चलाइरहेको देखिएका थिए। यद्यपि अहिलेसम्म यस आक्रमणको जिम्मेवारी कुनै पनि संगठनले लिएको छैन।

टर्कीको रक्षा मन्त्रालयले एक विज्ञप्ति जारी गर्दै भनेको छ, ‘जवाफी आक्रमणमा आतंकवादीहरूको कुल ३२ वटा लुकेका ठाउँहरू सफलतापूर्वक नष्ट गरिएको छ।’

राष्ट्रपति रेसेप तैयप एर्दोगानले एक्समा पोस्ट गर्दै एरोस्पेस उद्योगहरूमा भएको आक्रमणलाई ‘घृणित’ भनेका छन्। आक्रमण गर्ने दुई जनाको मृत्यु भएको छ जसमा एक महिला र एक पुरुष छन्।

टर्कीले पीकेकेलाई एक आतंकवादी संगठन मानेको छ र यसलाई प्रतिबन्ध लगाएको छ। अमेरिका र बेलायत सन् १९८० को दशकदेखि टर्कीमा रहेका कुर्द अल्पसंख्यकलाई थप अधिकार दिन टर्कीसँग लड्दै आएका छन्।