पनौतीमा जुवाखालबाट २१ जना पक्राउ

काभ्रेपलान्चोक– पनौती नगरपालिका–११ बल्थलीस्थित ख्याकुबाट शनिबार राति जुवातास खेलिरहेका २१ जना पक्राउ परेका छन्। 

जुवातास खेलिरहेको अवस्थामा पक्राउ परेका २१ जनाबाट ९३ हजार ३१५ बरामद गरिएको इलाका प्रहरी कार्यालय बनेपाले जनाएको छ। 

पक्राउ परेकालाई इप्रका बनेपामा राखी आज म्याद थपको तयारी भइरहेको प्रहरी निरीक्षक रमेश थापाले जानकारी दिए। तास खेलिरहेको भन्ने गोप्य सूचनाका आधारमा राति प्रहरी टोलीले पक्राउ गरेको हो। 

प्रहरीले यसअघि बुधबार साँझ मात्रै पनौती–९ कुँवर गाउँबाट पाँच जनालाई तास खेलिरहेको अवस्थामा नियन्त्रणमा लिई ९५ हजार रुपैयाँ नगद बरामद गरेको थियो। 

उक्त समूहलाई मुद्दा दायर गरी थप अनुसन्धान भइरहेको प्रहरीले जनाएको छ।