तोलामा १ लाख ७० हजार ७०० पुग्यो सुनको मूल्य

काठमाडौँ– नेपाली बजारमा सुनको मूल्यले बुधबार नयाँ रेकर्ड कायम गरेको छ।

नेपाल सुनचाँदी व्यवसायी महासंघले यस दिनका लागि सुनको मूल्य प्रतितोला १ लाख ७० हजार ७०० रुपैयाँ तोकेको छ ।  

अघिल्लो दिनभन्दा सुन प्रतितोला २ हजार २०० रुपैयाँले बढेको हो। मंगलबार १ लाख ६८ हजार ५०० रुपैयाँ रहेको थियो।   

यस्तै, चाँदीको मूल्य तोलामा १५ रुपैयाँले बढेको छ। चाँदी प्रतितोला २ हजार १२० रुपैयाँमा कारोबार भइरहेको छ। मंगलबार २ हजार १०५ रुपैयाँ थियो।