अरुण तेस्रो आयोजनाको टिपर दुर्घटना हुँदा २ जना मजदुरको मृत्यु, २ घाइते

किमाथांका– संखुवासभाको मकालु गाउँपालिका–५ फ्याक्सिन्दा दोभानमा टिपर दुर्घटना हुँदा अरुण तेस्रो जलविद्युत् परियोजनामा कार्यरत दुई जना भारतीय मजदुरको मृत्यु भएको छ। 

मकालु–५ फ्याक्सिन्दा दोभानमा एचपी ११–४९३३ नम्बरको टिपर बुधबार साँझ दुर्घटना भएको डीएसपी दक्षकुमार बस्नेतले जानकारी दिए। अरुण तेस्रो परियोजनामा कार्यरत टिपर चालक भारतीय नागरिक ५७ वर्षीय शैलेन्द्रप्रताप सिंह र टिपरमा सवार २९ वर्षीय सारुक महमदको मृत्यु भएको हो। 

अन्य दुई जना भारतीय नागरिक घाइते भएका छन्। उनीहरूको खाँदबारीस्थित जिल्ला अस्पतालमा उपचार भइरहेको छ।