नुवाकोटमा मिनीट्रकको ठक्करबाट १ जनाको मृत्यु, १ गम्भीर

त्रिशूली– नुवाकोटको लिखु गाउँपालिका–६ छहरेमा मिनीट्रकको ठक्करबाट मोटरसाइकलमा सवार एक जनाको मृत्यु भएको छ। एक जना गम्भीर घाइते भएका छन्। 

जिल्ला प्रहरी कार्यालयका प्रमुख शान्तिराज कोइरालाका अनुसार टोखा–छहरे सडकमा बिहीबार राति भएको दुर्घटनामा तादी गाउँपालिका–३ का ३५ वर्षीय विनोद चौलागाईंको मृत्यु भएको हो। 

दुर्घटनामा तादी–३ का राजाराम श्रेष्ठ गम्भीर घाइते भएका छन्। उनको ग्रिनसिटी अस्पताल काठमाडौँमा उपचार भइरहेको छ। 

दुर्घटनापछि मिनीट्रकका चालक फरार छन्। उनको खोजी भइरहेको प्रहरीले जनाएको छ।