स्पेनमा बाढीबाट मृत्यु हुनेको संख्या २११ पुग्यो, प्रभावित क्षेत्रमा थप १० हजार सैनिक पठाइँदै

स्पेनका प्रधानमन्त्री पेड्रो सान्चेजले बाढी प्रभावित पूर्वी भ्यालेन्सिया क्षेत्रमा थप १० हजार सैनिक र प्रहरी अधिकारी खटाइने शनिबार बताएकी छन्। 

भ्यालेन्सिया र वरपरका क्षेत्रमा गरी बाढीका कारण २११ जनाको मृत्यु भएको पुष्टि भएसँगै प्रधानमन्त्री साञ्चेजले थप सेना र प्रहरीलाई बाढी प्रभावित क्षेत्रमा उद्धारका लागि पठाएको बताएकी हुन्।

दशकौँ यताकै सबैभन्दा घातक विपत्तिका कारण पानीमा डुबेका शहर र भत्किएका पूर्वाधारमा जीवित व्यक्ति भेट्टाउने आशा क्षीण भएको छ। 

सान्चेजले एक टेलिभिजन सम्बोधनमा यो विपत्ति युरोपमा यस शताब्दीको दोस्रो सबैभन्दा घातक भएको र राहत कार्यका लागि सुरक्षा बलमा ठूलो वृद्धि गरिएको बताइन्।

भ्यालेन्सिया क्षेत्रका नेताले थप पाँच हजार सैनिकका लागि गरेको अनुरोधलाई सरकारले स्वीकार गरेको र थप सैनिक र प्रहरी तैनाथ गर्ने जानकारी दिएको सान्चेजले बताइन्। 

“केही दिनदेखि खाद्यान्न, पानी र बिजुलीबाट वञ्चित भएका ध्वस्त शहर र गाउँहरूमा सुव्यवस्था पुनर्स्थापित गर्नु र सहायता वितरण गर्नु प्राथमिकताको विषय हो,” उनले भनिन्।

अधिकारीहरू बाढी आउनुभन्दा पहिले चेतावनी प्रणालीको पर्याप्तताका कारण आलोचनामा परेका छन्। केही पीडित बासिन्दाले विपत्तिको प्रतिक्रिया धेरै ढिलो भएको गुनासो गरेका छन्।