प्रतितोला ३०० रुपैयाँले बढ्यो सुनको मूल्य

काठमाडौँ– नेपाली बजारमा सुनको मूल्य तोलामा ३०० रुपैयाँ बढेको छ।

नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला १ लाख ६८ हजार ५०० रुपैयाँ तोकिएको छ। अघिल्लो दिन प्रतितोला १ लाख ६८ हजार २०० रुपैयाँ थियो। कात्तिक १५ गते सुन हालसम्मकै बढी प्रतितोला १ लाख ७१ हजार रुपैयाँमा कारोबार भएको थियो।

यसैगरी, चाँदीको मूल्य भने घटेको छ। अघिल्लो दिन प्रतितोला २ हजार ३० रुपैयाँ रहेको चाँदी बुधबार २ हजार १५ रुपैयाँ रहेको छ।