दोलखाको ओराङ केन्द्र भएर भूकम्प

काठमाडौँ– दोलखामा ४.५ म्याग्निच्युडको भूकम्प गएको छ। 

बिहीबार साँझ ७ बजेर ५६ मिनेटको समयमा दोलखाको ओराङ आसपास केन्द्रविन्दु भएर भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ।

यो गोरखा भूकम्पको परकम्प भएको केन्द्रका वरिष्ठ भूकम्पविद् लोकविजय अधिकारीले जानकारी दिए। 

विसं २०७२ वैशाख १२ गते मध्याह्न ११ बजेर ५६ मिनेट जाँदा गोरखाको बारपाक केन्द्रविन्दु भएर ७.६ रेक्टर स्केलको भूकम्प गएको थियो।

त्यसयता निरन्तर स–साना परकम्प गइरहेको केन्द्रले उल्लेख गरेको छ।