सुर्खेत दुर्घटनाका मृतकको सनाखत

घाइतेहरूको प्रदेश अस्पतालमा उपचार भइरहेको र तीन जनाको अवस्था गम्भीर रहेको प्रहरीले जनाएको छ।

उकालो

शुक्रबार, २३ कात्तिक, २०८१

सुर्खेत दुर्घटनाका मृतकको सनाखत

कर्णाली– दैलेखदेखि सुर्खेत आउँदै गरेको फोर्स गाडी वीरेन्द्रनगर नगरपालिका-१४ सुर्खेतस्थित रातानाङ्लामा भएको दुर्घटनाका मृतकको सनाखत भएको छ।

जिल्ला प्रहरी कार्यालय सुर्खेतका प्रहरी नायब उपरीक्षक वीरेन्द्रवीर विश्वकर्माका अनुसार दुर्घटनामा भैरवी गाउँपालिका-५ दैलेखका ३८ वर्षीय गाडी चालक सुरेश केसी, सोही गाउँपालिका-२ का ३६ वर्षीय कर्ण विष्ट, २१ वर्षीया संगीता विष्ट र वडा नं १ का १७ वर्षीया दीपिका महताराको मृत्यु भएको हो। 

उनले भने, “प्रहरीले ३० जनालाई उद्धार गरेर कर्णाली प्रदेश अस्पताल सुर्खेत पुर्‍याउँदा चिकित्सकले चार जनाको मृत्यु भएको घोषणा गरेका थिए।” घाइतेहरूको प्रदेश अस्पतालमा उपचार भइरहेको र तीमध्ये तीन जनाको अवस्था गम्भीर रहेको प्रहरीले जनाएको छ।

कर्णाली प्रदेश ०२००१ ख ०९९८ नम्बरको फोर्स गाडी शनिबार दिउँसो दुर्घटना भएको थियो।

प्रतिक्रिया दिनुहोस !