दार्चुलामा जिप दुर्घटना, ६ जनाको मृत्यु

बैतडी– दार्चुलामा जिप दुर्घटना हुँदा ६ जनाको घटनास्थलमै मृत्यु भएको छ। मालिकार्जुन जात्राबाट गोकुलेस्वरतर्फ गइरहेको म१ज ३३८ नम्बरको जिप शुक्रबार बिहान ४ बजे शैल्यशिखर नगरपालिका–५ स्थित सिराडको खोलामा दुर्घटना भएको हो। 

दुर्घटनास्थलमा ६ जनाको मृत्यु भएको र अन्य  ६ जना घाइते भएको दार्चुलाका प्रमुख जिल्ला अधिकारी यज्ञराज जोशीले जानकारी दिए। जात्रा हेरेर फर्किएकाहरू सवार जिप दुर्घटना भएको हो।

घाइते सबैको अवस्था गम्भीर रहेको र मृतकको सनाखत हुन बाँकी रहेको उनले बताए। घाइतेहरूलाई गोकुलेस्वर अस्पताल पठाइएको छ।

दुर्घटनाको कारण र जिपमा कतिजना सवार थिए खुल्न  सकेको छैन।