देशका विभिन्न स्थानमा हल्का वर्षा र हिमपातको सम्भावना

काठमाडौँ– देशमा पश्चिमी वायुको सामान्य प्रभावका साथै भारतको उत्तर प्रदेशस्थित तल्लो वायुमण्डलमा कमजोर निम्नचापीय प्रणालीको पनि प्रभाव रहेको छ।  

मौसम पूर्वानुमान महाशाखाका अनुसार कोशी, बागमती र गण्डकीका पहाडी भूभागमा आंशिकदेखि साधारणतया बदली रहेको छ। बाँकी भूभागमा मौसम मुख्यतया सफा रहेको छ।

दिउँसो पहाडी भूभागमा आंशिकदेखि साधारणतया बदली रहनेछ। कोशी, बागमती, गण्डकी र कर्णालीका पहाडी भूभागका एक-दुई स्थानमा हल्का वर्षा हुनेछ। उच्च पहाडी तथा हिमाली भूभागमा हल्का हिमपातसमेत हुने महाशाखाले जनाएको छ।

यसैगरी, राति कोशी, गण्डकी र कर्णालीका पहाडी भूभागमा आंशिकदेखि साधारणतया बदली रही बाँकी स्थानको मौसम मुख्यतया सफा रहनेछ।