तोलामा २ हजार ६०० रुपैयाँ घट्यो सुन

काठमाडौँ– नेपाली बजारमा मंगलबार पनि सुनको मूल्य घटेको छ। सोमबार तोलामा १५ हजार ९०० रुपैयाँ घटेको सुन फेरि २ हजार ६०० रुपैयाँ घटेको हो।  

नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला १ लाख ४८ हजार ७०० रुपैयाँ तोकिएको छ। सोमबार १ लाख ५१ हजार ३ सय रुपैयाँ थियो ।

कात्तिक १५ गते सुनको मूल्य हालसम्मकै उच्च प्रतितोला १ लाख ७१ हजार रुपैयाँ पुगेको थियो।

चाँदी मूल्य पनि घटेको छ। चाँदी प्रतितोला १ हजार ८२० कायम भएको महासंघले जनाएको छ। अघिल्लो दिन १ हजार ८४५ रुपैयाँ थियो।