जाजरकोटमा जिप दुर्घटना हुँदा नौ जनाको मृत्यु

जाजरकोट– जाजरकोटमा सोमबार जिप दुर्घटना हुँदा नौ जनाको मृत्यु भएको छ। 

कर्णाली प्रदेश २००१ च ०४२९ नम्बरको जिप छेडागाड नगरपालिका-३ जेवाबाट वडा नं ४ को लेवातर्फ जाँदै गर्दा दशेराको बीचमा पर्ने भिरपाटी सडकबाट खस्दा नौ जनाको मृत्यु भएको स्थानीय रेशम खड्काले जानकारी दिए।

उनका अनुसार सो दुर्घटनामा परी तीन जना घाइते भएका छन्। मध्यपहाडी लोकमार्गमा भएको दुर्घटनाबारे थप विवरण आउन बाँकी छ।