एनपीएल : चितवनसँग काठमाडाैँ पराजित

नेपाल प्रिमियर लिग (एनपीएल) को दोस्रो खेलमा चितवन राइनोजले काठमाडाैँ गोर्खाजलाई ५ विकेटले पराजित गरेको छ।

उकालो

सोमबार, १७ मंसिर, २०८१

एनपीएल : चितवनसँग काठमाडाैँ पराजित

काठमाडाैँ– नेपाल प्रिमियर लिग (एनपीएल) को दोस्रो खेलमा चितवन राइनोजले काठमाडाैँ गोर्खाजलाई ५ विकेटले पराजित गरेको छ।

काठमाडौँले दिएको ११२ रनको लक्ष्य चितवनले १७.१ ओभरमा ५ विकेट गुमाउँदै पूरा गर्‍यो। चितवनका सन्तोष कार्कीले २८ रन बनाउँदा लुक बेन्केनस्टाइनले २२ तथा हसन इसाखिलले १२ रन जोडे। काठमाडौँका लागि शाहब आलमले तीन विकेट लिए।

यसअघि कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ गरेको काठमाडौँले २० ओभरमा ९ विकेट गुमाउँदै १११ रन मात्रै बनाउन सक्यो। पाकिस्तानी बलर सोहेल तान्विरसामु काठमाडाैँका ब्याटर चल्न सकेनन्। उनी एक्लैले पाँच विकेट लिए।

काठमाडाैँका लागि सबैभन्दा धेरै सुमित महर्जनले २९ रन बनाए। माइकल लेभिटले २५, डान डौथवेट १९ र शंकर रानाले १६ रन जोडेका थिए।

प्रतिक्रिया दिनुहोस !