धवनको अर्धशतकमा कर्णालीले काठमाडौँलाई दियो १५० रनको लक्ष्य

काठमाडौँ– नेपाल प्रिमियर लिगमा कर्णाली याक्सले काठमाडौँ गुर्खाजलाई १५० रनको लक्ष्य दिएको छ। 

त्रिवि क्रिकेट मैदानमा टस हारेर ब्याटिङको निम्तो पाएको कर्णालीले शिखर धवनको अर्धशतकमा ५ विकेट गुमाउँदै १४९ रन बनाएको हो। कर्णालीका ओपनर धवनले नटआउट ७२ रन बनाए। उनले ५१ बलमा ४ चौका र ५ छक्का प्रहार गरे। 

चाल्डिक वाल्टनले १५ बलमा २१, बाबर हायतले १३ तथा गुलशन झाले १२ रन जोडे। जिशान मक्सुद १४ रनमा नटआउट रहे।

काठमाडौँका जेरार्ड एरासमसले २ तथा करण केसी, नाथन सोटर र दीपेश कँडेलले समान १-१ विकेट लिए।