एनपीएल: काठमाडौँसँग कर्णाली ३ विकेटले पराजित

काठमाडौँ– नेपाल प्रिमियर लिगमा काठमाडौँ गुर्खाजले पहिलो जित हात पारेको छ।

कीर्तिपुरस्थित त्रिवि क्रिकेट मैदानमा बुधबार काठमाडौँले कर्णाली याक्सलाई ३ विकेटले पराजित गरेको हो। 

काठमाडौँका कप्तान करण केसीले आक्रामक पारी खेले। उनले १० बलमा २ चौका र २ छक्काको मद्दतमा २८ बन बनाए। जेरार्ड इरास्मसले ३८ तथा माइकल लेभिटले २२ रन बनाए। 

कर्णालीका सोमपाल कामी, नन्दन यादव, गुलशन झा, जीसन मक्सूद र विपीन शर्माले समान १–१ विकेट लिए।

त्यसअघि टस हारेर ब्याटिङको निम्तो पाएको कर्णालीले शिखर धवनको अर्धशतकमा ५ विकेट गुमाउँदै १४९ रन बनाएको थियो। कर्णालीका ओपनर धवनले नटआउट ७२ रन बनाए। उनले ५१ बलमा ४ चौका र ५ छक्का प्रहार गरे। 

चाल्डिक वाल्टनले १५ बलमा २१, बाबर हायतले १३ तथा गुलशन झाले १२ रन जोडे। जिशान मक्सुद १४ रनमा नटआउट रहे।

काठमाडौँका जेरार्ड एरासमसले २ तथा करण केसी, नाथन सोटर र दीपेश कँडेलले समान १-१ विकेट लिए।