पश्चिमी वायुको प्रभाव: विभिन्न स्थानमा हुस्सु र कुहिरो

काठमाडौँ– देशमा पश्चिमी वायुको आंशिक प्रभाव रहेको छ। जसका कारण कोशी र बागमतीका पहाडी भूभागमा आंशिक बदली रहेको छ। 

तराईका अधिकांश तथा उपत्यकाका केही स्थानमा हुस्सु र कुहिरो लागेको मौसम पूर्वानुमान महाशाखाले जनाएको छ। यस्तै, गण्डकी र लुम्बिनीका पहाडी भूभागमा पनि कुहिरो लागेको छ। 

दिउँसो कोशी, गण्डकी, बागमती र लुम्बिनीका पहाडी भूभागमा आंशिक बदली रहनेछ। कोशीको पहाडी भूभागमा हल्का वर्षाको सम्भावना छ। 

यसैगरी, कोशी, बागमती, गण्डकी र लुम्बिनीका पहाडी भूभागमा आंशिक बदली रही बाँकी स्थानको मौसम मुख्यतया सफा रहने महाशाखाले जनाएको छ।