कोशी र गण्डकीका पहाडी भूभागमा हल्का वर्षाको सम्भावना

काठमाडौँ– देशमा पश्चिमी वायुको आंशिक प्रभाव रहेको छ। जसका कारण कोशी,बागमती र गण्डकीका पहाडी भूभागमा आंशिक बदली रहनेछ।

बाँकी भूभागमा मुख्यतया सफा रहेको मौसम पूर्वानुमान महाशाखाले जनाएको छ। गण्डकी र लुम्बिनीसहित बाँकी तराई तथा उपत्यकाहरूमा हुस्सु र कुहिरो लागेको छ। 

दिउँसो कोशी, बागमती, गण्डकी र कर्णालीका पहाडी भूभागमा आंशिक बदली रहनेछ। कोशीका पहाडी भूभागका एक-दुई स्थानमा हल्का वर्षाको सम्भावना छ।  

यसैगरी, राति देशका पहाडी भूभागमा आंशिक बदली रही बाँकी स्थानको मौसम मुख्यतया सफा रहनेछ।

कोशी र गण्डकीका उच्च पहाडी तथा हिमाली भूभागमा हल्का वर्षासहित हिमपात हुने महाशाखाले जनाएको छ।