पुटिन जुनसुकै बेला ट्रम्पसँग वार्ता गर्न तयार

रुसी राष्ट्रपति भ्लादिमिर पुटिनले बिहीबार आफू अमेरिकी राष्ट्रपतिमा निर्वाचित डोनाल्ड ट्रम्पसँग ‘कुनै पनि समय’ वार्ताका लागि तयार रहेको बताएका छन्। ट्रम्पले कार्यालयमा आएको केही घण्टामै युक्रेनसँग शान्ति सम्झौता गर्न सक्ने क्षमता भएको दाबी गरेका छन्।

जनवरीमा ह्वाइट हाउसमा फर्कने ट्रम्पले मस्कोका लागि अनुकूल शर्तमा युक्रेनलाई शान्ति स्वीकार गर्न बाध्य पार्न सक्ने डर किभमा खडा गरेका छन्।

वर्षको अन्त्यमा आफ्नो वार्षिक पत्रकार सम्मेलन गर्दै पुटिनले रुसी सेनाले युद्धभूमिमा उच्च स्थान कायम राखेको बताए। यद्यपि उनी रुसले पश्चिमी कुर्स्क क्षेत्रलाई कहिले फिर्ता लिने भन्ने थाहा नभएको स्वीकार्न बाध्य भए। कुर्स्कमा अगस्टमा युक्रेनी सेनाले आक्रमण गरेको थियो।

सम्भावित शान्ति सम्झौताका सन्दर्भमा ट्रम्पको प्रस्तावका बारेमा सोधिएको प्रश्नमा ७२ वर्षीय पुटिनले आगामी अमेरिकी राष्ट्रपतिसँगको बैठकलाई स्वागत गर्ने बताए।

“म उहाँलाई कहिले भेट्न जाने छु मलाई थाहा छैन। उहाँले यसबारे केही भन्नुभएको छैन। मैले उहाँसँग चार वर्षभन्दा बढी समयदेखि कुरा गरेको छैन। निःशन्देह, म यसका लागि तयार छु कुनै पनि समय”, पुटिनले भने, “यदि हामीले कहिल्यै राष्ट्रपति–निर्वाचित ट्रम्पसँग भेट गर्‍यौँ भने म पक्का छु कि हामीसँग कुरा गर्न धेरै विषय हुनेछन्।” 

उनले रुस ‘वार्ता र सम्झौता’का लागि तयार रहेको बताए।