कोशीका पहाडी भूभागमा हल्का वर्षाको सम्भावना

काठमाडौँ– नेपालमा पश्चिमी वायुको सामान्य प्रभाव रहेको छ। जसका कारण कोशी, गण्डकी, कर्णाली र सुदूरपश्चिमका पहाडी भूभागमा आंशिक बदली रहेको छ। 

तराई, खोँच तथा उपत्यकाहरूमा हुस्सु र कुहिरो लागेको छ। बाँकी भूभागमा मुख्यतया सफा रहेको मौसम पूर्वानुमान महाशाखाले जनाएको छ। 

दिउँसो कोशीको उच्च पहाडी तथा हिमाली भूभागमा छिटपुटदेखि हल्का वर्षासहित हिमपात हुने सम्भावना छ। 

बिहान हुस्सु र कुहिरोका कारण दैनिक जनजीवन, पर्यटन, पर्वतारोहण, सडक तथा हवाई यातायातमा असर पर्न सक्ने हुनाले सतर्कता अपनाउन महाशाखाले अनुरोध गरेको छ।