तनहुँमा ट्रक दुर्घटना, २ जनाको मृत्यु

दमौली– पृथ्वी राजमार्गअन्तर्गत तनहुँको आँबुखैरेनी गाउँपालिका–१ आँधीखोलामा मंगलबार बिहान ट्रक दुर्घटना हुँदा दुई जनाको मृत्यु भएको छ। 

ट्रक चालक उदयपुरका ३० वर्षीय भेषराज पराजुली र सहचालक रौतहटका २८ वर्षीय विजय विश्वकर्माको मृत्यु भएको जिल्ला प्रहरी कार्यालयका प्रहरी निरीक्षक मुनेन्द्र थापाले जानकारी दिए। 

डुम्रेबाट आँबुखैरेनी जाँदै गरेको बा प्र ०१–००१ य १६५९ नम्बरको जिपलाई विपरीत दिशाबाट आउँदै गरेको ए २–०३००–१ केएच २४४८ नम्बरको ट्रकले ठक्कर दिएको थियो। 

ठक्करपश्चात् जिप सडकमै रहेको र ट्रक पुलबाट खसेर दुर्घटनाग्रस्त भएको थियो। जिपमा सवार चार जना सकुशल रहेको प्रहरीले जनाएको छ। दुर्घटनाग्रस्त ट्रकलाई क्रेनको सहायताले तानिएको छ।