दक्षिण कोरियामा विमान दुर्घटना, कम्तीमा २८ जनाको मृत्यु

दक्षिण कोरियामा १८१ यात्रु बोकेको विमान अवतरण गर्ने क्रममा दुर्घटना हुँदा कम्तीमा २८ जनाको मृत्यु भएको छ। 

योनहाप समाचार एजेन्सीका अनुसार विमान मुआन अन्तर्राष्ट्रिय विमानस्थलको धावनमार्गबाट ​​चिप्लिएर पर्खालमा ठोक्किएको थियो। 

आइतबार बिहान १७५ यात्रु र ६ जना चालक दलका सदस्य सवार जेजु एयरको विमान थाइल्यान्डको बैंककबाट फर्किएको थियो।

उद्धारकर्ताहरूका अनुसार दुई जना जीवितै फेला परेका छन् र उद्धार कार्य जारी रहेको छ।