सर्लाहीको बरहथवामा ट्याक्टरमा मोटरसाइकल ठोक्किँदा २ जनाको मृत्यु

बरहथवा– उखु बोकेको ट्याक्टर र मोटरसाइकल एकापसमा ठोक्किँदा दुई जनाको मृत्यु भएको छ। 

बरहथवा नगरपालिका–९ शान्ति चोकमा उखु बोकेर हरिवनतर्फ आउँदै गरेको ट्याक्टर र नयाँरोडबाट बरहथवा जाँदै गरेको मोटरसाइकल सोमबार राति आपसमा ठोक्किएका थिए। दुर्घटनामा मोटरसाइकलमा सवार दुई युवाको मृत्यु भएको हो। 

मृत्यु हुनेमा मोटरसाइकल चालक बरहथवा–५, राजुचोकका हरिन्द्र महतो र सोही स्थानका पुरुषोत्तम दास रहेको जिल्ला प्रहरी कार्यालयका प्रवक्ता डीएसपी दीपक श्रेष्ठले जानकारी दिए। 

दुर्घटनामा गम्भीर घाइते भएका महतोको बरहथवास्थित एडभान्स सञ्जीवनी अस्पताल र दासको बयोधा अस्पताल वीरगन्जमा उपचारका क्रममा मृत्यु भएको हो। घटनामा संलग्न ट्याक्टर, चालक र मोटरसाइकल प्रहरीले नियन्त्रणमा लिएको छ।