सर्लाहीमा बसले किच्दा सशस्त्र प्रहरी निरीक्षकको मृत्यु

बरहथवा– सर्लाहीमा बसले किच्दा ड्युटीमा रहेका सशस्त्र प्रहरी निरीक्षक विजयकुमार तुलाधरको मृत्यु भएको छ। 

बलरा नगरपालिका–९, छतौना बोर्डर आउट पोस्टमा कार्यरत तुलाधरलाई मंगलबार राति तीव्र गतिमा रहेको बागमती प्रदेश०१–००६ख २००४ नम्बरको बसले थिचेको थियो।

बसले थिचेर गम्भीर घाइते भएका उनको उपचारका लागि प्रादेशिक अस्पताल मलंगवा लैजाने क्रममा बाटोमा नै मृत्यु भएको सशस्त्र प्रहरी उपरीक्षक विनोदराज खनालले जानकारी दिए। 

प्रहरीले बस चालकसहित तीन जनालाई पक्राउ गरेको छ।