भूमिसम्बन्धी अध्यादेश जारी

काठमाडौँ– राष्ट्रपति रामचन्द्र पौडेलले ‘भूमिसम्बन्धी केही नेपाल ऐनलाई संशोधन गर्ने अध्यादेश, २०८१’ जारी गरेका छन्।

नेपालको संविधानको धारा ११४ को उपधारा (१) बमोजिम मन्त्रीपरिषद्को सिफारिसमा राष्ट्रपतिले उक्त अध्यादेश बुधबार जारी गरेको राष्ट्रपतिको कार्यालयले जनाएको छ।

गत शुक्रबारको मन्त्रिपरिषद् बैठकले राष्ट्रपति पौडेलसमक्ष पाँच वटा अध्यादेश जारी गर्न सिफारिस गरेको थियो। तीमध्ये ४ वटा अध्यादेश सोमबार नै जारी गरेका थिए भने भूमिसम्बन्धी अध्यादेश रोकेर राखेका थिए।