नेपाली बजारमा बढ्यो सुनचाँदीको मूल्य

काठमाडौँ– नेपाली बजारमा सुनचाँदीको मूल्य बढेको छ। सुनको मूल्य प्रतितोला १ हजार ३०० र चाँदी ५० रुपैयाँले बढेको हो। 

बिहीबार प्रतितोला १ लाख ५६ हजार ६०० रुपैयाँमा कारोबार भएको सुन शुक्रबार प्रतितोला १ लाख ५७ हजार ९०० रुपैयाँ पुगेको छ। 

नेपाल सुनचाँदी व्यवसायी महासंघका अनुसार चाँदीको मूल्य पनि बढेको छ। नेपाली बजारमा चाँदी प्रतितोला १ हजार ८८० रुपैयाँमा कारोबार भइरहेको छ। बिहीबार १ हजार ८३० रुपैयाँ थियो।

अन्तर्राष्ट्रिय बजारमा भने सुनको मूल्य घटेको छ। अन्तर्राष्ट्रिय बजारमा  प्रतिऔंस सुनको मूल्य २ हजार ७१४.९८ अमेरिकी डलर कायम भएको छ।