प्रिमियर लिगको चौथो स्थानमा उक्लियो चेल्सी

काठमाडौँ– चेल्सी इंग्लिस प्रिमियर लिगको चौथो स्थानमा उक्लिएको छ। 

सोमबार राति वुल्भ्सलाई ३-१ ले हराउँदै लिगमा पाँच खेलको जितविहीन यात्रा समाप्त गरेको हो। 

चेल्सीका लागि टोसिन अदाराबियोयो, मार्क कुकुरेला र नोनी मडुकेले गोल गरे। वुल्भ्सका म्याट डोहर्टीले एक गोल फर्काए।

न्युक्यासल युनाइटेड र म्यानचेस्टर सिटीलाई पछि पार्दै चेल्सी चौथो स्थानमा उक्लिएको हो। चेल्सीको २२ खेलबाट ४० अंक भएको छ। 

शीर्ष स्थानको लिभरपुलको २१ खेलबाट ५० अंक, २२ खेलबाट ४४ अंकसहित आर्सनल दोस्रो र नटिङ्‌घम तेस्रो स्थानमा छन्।