यस्तो छ सोमबारको माैसम पूर्वानुमान

काठमाडाैँ– हाल देशमा पश्चिमी वायुको सामान्य प्रभाव रहेको छ। माैसम पूर्वानुमान महाशाखाका अनुसार कोशी, बागमती, गण्डकी र लुम्बिनी प्रदेशको पहाडी भूभागमा आंशिक बदली तथा बाँकी भू‍भागमा मौसम मुख्यतया सफा रहेको छ। तराईका धेरै भूभागहरूमा बाक्लो हुस्सु र कुहिरो लागेको अवस्था छ।

यस्तै, आज दिउँसो कोशी, बागमती र गण्डकी प्रदेशको पहाडी भूभागमा आंशिक बदली रही बाँकी भेगमा मौसम मुख्यतया सफा रहने माैसम पूर्वानुमान गरिएको छ।

राति पनि कोशी, बागमती, गण्डकी र लुम्बिनी प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहने छ।

बिहानको समयमा तराई तथा उपत्यकाका धेरै स्थानहरूमा हुस्सु र कुहिरोको सम्भावना रहेकोले दैनिक जनजीवन, कृषि, स्वास्थ्य, यातायात तथा हवाई उडानमा असर पर्न सक्ने हुँदा आवश्यक सतर्कता अपनाउनु हुन अनुरोध गरिएको छ।