तोलामा २ हजार ३०० रुपैयाँले बढ्यो सुनको मूल्य

काठमाडौँ– नेपाली बजारमा शुक्रबार सुनको मूल्य बढेको छ। नेपाल सुनचाँदी व्यवसायी महासंघका अनुसार छापावाल सुन तोलामा २ हजार ३०० रुपैयाँले बढेको हो।

शुक्रबार छापावाल सुन तोलाको १ लाख ६२ हजार ८०० रुपैयाँमा कारोबार भइरहेको महासंघले जनाएको छ। बिहीबार १ लाख ६० हजार ५०० रुपैयाँमा भएको थियो। 

त्यसैगरी, शुक्रबार चाँदीको मूल्य पनि बढेको छ। बिहीबार तोलामा १ हजार ८५५ रुपैयाँमा कारोबार भएको चाँदी शुक्रबार १ हजार ९१५ रुपैयाँ पुगेको छ। 

चाँदी मूल्य अघिल्लो दिनको तुलनामा तोलामा ६० रुपैयाँले बढेको हो।