विद्युत् प्राधिकरणले तार भूमिगत गर्न 'ड्रिलिङ' गर्दा खानेपानीको पाइप फुटेको केयूकेएलको भनाइ

'पाइप फुटेपछि पानी वितरण गर्ने भल्ब बन्द गरी पाइप सफा गर्ने काम (वास आउट) भइरहेको छ। हालसम्म पानी बग्न भने रोकिएको छैन।'

उकालो

बुधबार, ३० माघ, २०८१

विद्युत् प्राधिकरणले तार भूमिगत गर्न 'ड्रिलिङ' गर्दा खानेपानीको पाइप फुटेको केयूकेएलको भनाइ

काठमाडाैँ– काठमाडौँ उपत्यका खानेपानीको थोक प्रणालीको पाइप फुट्दा काठमाडौँको बबरमहल क्षेत्र जलमग्न भएको छ।

काठमाडौँ उपत्यका खानेपानी आयोजना कार्यान्वयन निर्देशनालय (केयूकेएल-पीआईडी)का प्रमुख टीकाबहादुर चौधरीले विद्युत‍्का तारहरू भूमिगत गर्नका लागि ‘होरिजोन्टल ड्रिलिङ’ गर्ने क्रममा खानेपानीको थोक वितरण प्रणालीको पाइप फुटेको बताए।

उनले भने, “पाइप फुटेपछि पानी वितरण गर्ने भल्ब बन्द गरी पाइप सफा गर्ने काम (वास आउट) भइरहेको छ। हालसम्म पानी बग्न भने रोकिएको छैन।”

पाइप फुटेर पानी पसेपछि बबरमहलस्थित विशेष अदालतसहित वरपरका सरकारी भवन जलमग्न बनेका थिए भने केही सवारीसाधन डुबानमा समेत परेका थिए।

प्रतिक्रिया दिनुहोस !