महाकुम्भ मेलाबाट फर्किँदै गरेको कार दुर्घटना हुँदा ३ जनाको मृत्यु

भारतको प्रयागराजमा लागेको महाकुम्भ मेलामा सहभागी भएर फर्किने क्रममा कार दुर्घटना हुँदा रुपन्देहीको देवदहका तीन जनाको मृत्यु भएको छ।

उकालो

सोमबार, ५ फागुन, २०८१

महाकुम्भ मेलाबाट फर्किँदै गरेको कार दुर्घटना हुँदा ३ जनाको मृत्यु

रुपन्देही– भारतको प्रयागराजमा लागेको महाकुम्भमा सहभागी हुन गएका नेपाली नागरिक सवार कार दुर्घटना हुँदा तीन जनाको मृत्यु भएको छ।

जिल्ला प्रहरी कार्यालय रुपन्देहीका प्रहरी उपरीक्षक रञ्जितसिंह राठौरका अनुसार मृत्यु हुनेमा रुपन्देहीको देवदह नगरपालिका–९ भलुहीका ४५ वर्षीय गणेश खनाल, उनकी श्रीमती ४० वर्षीया दीपा खनाल र सोही ठाउँकी ४५ वर्षीया गीता शर्मा रहेका छन्। 

महाकुम्भबाट स्नान गरेर फर्किने क्रममा भारतको आजमगढ नजिकै उनीहरू सवार कार सडक छेउको डिभाइडरमा ठोक्किएको हो। दुर्घटनामा अन्य पाँच जना घाइते भएका छन्। 

घाइतेको भारतकै आजमगढ र गोरखपुरमा उपचार भइरहेको प्रहरी उपरीक्षक राठौरले बताए।

देवदह नगरपालिका–९ का ३५ जनाको टोली कुम्भ मेलामा स्नान गर्न गएको थियो।

तर उक्त टोली फर्किने क्रममा पाँच जना सवार कार बनारस–आजमगढ राजमार्गमा दुर्घटनामा परेको हो।

शव स्थानीय अस्पतालमा परीक्षणका लागि राखिएको र नियमित रूपमा  भारतीय प्रहरीसँग सम्पर्क भइरहेको उनले बताए।

प्रतिक्रिया दिनुहोस !