सुदूरपश्चिम प्रदेशमा हल्का वर्षाको सम्भावना

काठमाडौँ– देशमा पश्चिमी न्यूनचापीय प्रणालीको आंशिक प्रभाव रहेको छ। जसका कारण कर्णाली, सुदूरपश्चिम र लुम्बिनीमा आंशिकदेखि साधारणतया बदली रहेको छ।

सुदूरपश्चिमको एक-दुई स्थानमा हल्का वर्षा भइरहेको मौसम पूर्वानुमान महाशाखाले जनाएको छ। दिउँसो कर्णाली, सुदूरपश्चिम, गण्डकी र कोशीका पहाडी भूभागमा आंशिकदेखि साधारणतया बदली रहनेछ।

सुदूरपश्चिमका थोरै स्थानमा हल्का वर्षाको सम्भावना छ। सुदूरपश्चिम, कर्णाली, गण्डकी र कोशीका उच्च पहाडी तथा हिमाली भूभागमा हिमपातसमेत हुनेछ। 

यसैगरी, राति पनि कोशी, गण्डकी र कर्णालीका पहाडी भूभागमा आंशिक बदली रहनेछ। कोशी, गण्डकी र कर्णालीका उच्च पहाडी तथा हिमाली भूभागमा हल्का हिमपातको सम्भावना रहेको छ।