कोशी, बागमती, गण्डकी र कर्णालीमा हल्का वर्षा

काठमाडौँ– देशमा पश्चिमी न्यूनचापीय प्रणालीको आंशिक प्रभाव रहेको छ। 

मौसम पूर्वानुमान महाशाखाका अनुसार पहाडी भूभागमा आंशिकदेखि साधारणतया बदली रहेको छ। कोशी, बागमती, गण्डकी र कर्णालीका पहाडी भूभागमा छिटपुटदेखि हल्का वर्षा भइरहेको छ।

दिउँसो कोशीका पहाडी भूभागमा आंशिकदेखि साधारणतया बदली रहनेछ। बागमती र गण्डकीका पहाडी भूभागमा आंशिक बदली रहने महाशाखाले जनाएको छ। कोशी, बागमती र गण्डकीका उच्च पहाडी तथा हिमाली भूभागमा हल्का हिमपातसमेत हुनेछ। कोशीका पहाडी भूभागमा मेघगर्जन र चट्याङसहित हल्का वर्षाको सम्भावना छ।

यसैगरी, राति कोशी, बागमती र गण्डकीका पहाडी भूभागमा आंशिक बदली रहनेछ। कोशी र गण्डकीका उच्च पहाडी तथा हिमाली भूभागमा हल्का हिमपात हुनेछ।