सुनचाँदीको मूल्यमा सामान्य गिरावट

काठमाडौँ– स्थानीय बजारमा सुनचाँदीको मूल्यमा सामान्य गिरावट आएको छ। आज सुन प्रतितोला ५०० र चाँदी प्रतितोला १५ रुपैयाँले घटेको हो।

छापावाल सुन प्रतितोला १ लाख ६९ हजार ९०० रुपैयाँ कायम भएको नेपाल सुनचाँदी व्यवसायी महासंघले जनाएको छ। 

सोमबार प्रतितोला १ लाख ७० हजार ४०० रुपैयाँ रहेको थियो। त्यसैगरी, चाँदी प्रतितोला १ हजार ९७० रुपैयाँ तोकिएको छ। 

अन्तर्राष्ट्रिय बजारमा प्रतिऔंस सुन २ हजार ८९८ अमेरिकी डलरमा कारोबार भइरहेको छ।