राप्रपाका पशुपतिशमशेर जबराले सांसदहरूलाई शपथ गराउने

काठमाडौँ– राष्ट्रिय प्रजातन्त्र पार्टीका पशुपतिशमशेर राणाले सांसदलाई शपथ खुवाउने भएका छन्।

प्रतिनिधिसभामा निर्वाचित २७५ जना सांसदमध्ये सबैभन्दा ज्येष्ठ सदस्य ठहर भएपछि जबराले सांसदलाई सपथ खुवाउने भएका हुन्।

“प्रतिनिधिसभामा निर्वाचित २७५ जना सांसदहरूमध्ये नागरिकताका आधारमा पशुपतिशमशेर जबरा ज्येष्ठ ठहर हुनुभएको छ”, संसद् सचिवालयका सहायक प्रवक्ता दशरथ धमलाले उकालोसँग भने, “पुस सात गते राष्ट्रपतिबाट शपथ लिएपछि सोही दिन ११ बजे अन्य माननियहरूलाई शपथ गराउनुहुन्छ।”

राणा समानुपातिकतर्फबाट निर्वाचित भएका हुन्।