संस्कृत विश्व विद्यालयले प्रयोग गर्दै आएको भवन भत्काइँदै [तस्वीरहरू]

काठमाडौँ– वसन्तपुर डबलीस्थित नेपाल संस्कृत विश्व विद्यालयले प्रयोग गर्दै आएको जीर्ण भवन भत्काउने काम भइरहेको छ। 

२०७२ सालको भूकम्पपछि भवनको बाहिरी र भित्री भाग चर्किएर ढल्किएकाले थप क्षति हुन नदिन टेको लगाएर अड्याइएको सो भवन भत्काइएको हो।

काठमाडौँ महानगरको १३औँ कार्यपालिका बैठकले उपप्रमुख सुनिता डंगोलको संयोजकत्वमा समिति बनाएर सो जीर्ण भवन भत्काउन सिफारिस गरेको थियो।

त्रिभुवन विश्वविद्यालय केन्द्रीय विद्यार्थी हित शाखाका नाममा कायम सो भवन संस्कृत विश्वविद्यालयले प्रयोग गर्दै आएको थियो।

जीर्ण बन्दै गएको सो भवन भत्किएर सम्भावित क्षति हुन सक्ने भन्दै भत्काउन थालिएको हो।