तोलामा १ लाख ७६ हजार ८०० पुग्यो सुनको मूल्य

काठमाडौँ– निरन्तर बढिरहेको सुनको मूल्य हालसम्मकै उच्च विन्दुमा पुगेको छ।

छापावाल सुन आइतबार तोलामा ६०० रुपैयाँले बढेर १ लाख ७६ हजार ८०० रुपैयाँ पुगेको नेपाल सुनचाँदी व्यवसायी महासंघले जनाएको छ।

शुक्रबार प्रतितोला १ लाख ७६ हजार २०० रुपैयाँ रहेको थियो। त्यस्तै, चाँदीको मूल्य प्रतितोला १५ रुपैयाँले घटेको छ। महासंघका अनुसार चाँदी तोलाको २ हजार २५ रुपैयाँ कायम भएको छ। 

अन्तर्राष्ट्रिय बजारमा सुन प्रतिऔंस ३ हजार ८५ अमेरिकी डलर हाराहारीमा कारोबार भइरहेको छ।