काठमाडौँको आकाशबाट बादल फाट्न केही दिन लाग्ने

काठमाडौँ– विगत केही दिनदेखि वायु प्रदूषणका कारण काठमाडौँ उपत्यकामा डम्म लागेको बादल फाट्न अझ केही दिन लाग्ने भएको छ। 

शुक्रबारदेखि वायुको वेग आजको तुलनामा अधिक हुने सम्भावना रहेको मौसमविद् बिनु महर्जनको भनाइ छ। हाल राजधानी उपत्यकामा वर्षा हुने अवस्था नरहेको तर क्रमशः यहाँको आकाशबाट बादल हट्ने लक्षण देखिएको उनको भनाइ छ।

बुधबारको तुलनामा आज तापक्रम पनि केही घटेको छ। भोलिदेखि क्रमशः तापक्रम पनि बढ्ने मौसम पूर्वानुमान महाशाखाको भनाइ छ।