तोलामा ३ हजार ९०० रुपैयाँले घट्यो सुनको मूल्य

काठमाडौँ– नेपाली बजारमा हप्ताको अन्तिम कारोबार दिन शुक्रबार सुनचाँदीको मूल्य घटेको छ। बिहीबार तोलाको १ लाख ८० हजार ३०० रुपैयाँमा कारोबार भएर हालसम्मकै उच्च विन्दुमा पुगेको सुन आज तोलामा ३ हजार ९०० रुपैयाँले घटेको हो।

आज सुन तोलामा १ लाख ७६ हजार ४०० रुपैयाँ तोकिएको नेपाल सुनचाँदी व्यवसायी महासंघले जनाएको छ। त्यस्तै, चाँदी तोलामा १ हजार ८७० रुपैयाँमा किनबेच भइरहेको छ।

अन्तर्राष्ट्रिय बजारमा सुन प्रतिऔँस ३ हजार १०५ अमेरिकी डलर हाराहारीमा कारोबार भइरहेको छ।