जाजरकोट केन्द्रबिन्दु भएर ५.५ म्याग्निच्युडको भूकम्प

काठमाडौँ– जाजरकोट केन्द्रबिन्दु भएर शुक्रबार राति भूकम्प गएको छ। 

राष्ट्रिय भूकम्प मापन तथा अनुसन्धान केन्द्र, लैनचौरका अनुसार जाजरकोटको जाजरकोटको पैंकआसपास केन्द्रबिन्दु भएर शुक्रबार ८:१० को समयमा ५.५ म्याग्निच्युडको भूकम्प गएको हो।

त्यसको तीन मिनेट अगाडि अर्थात् ८:७ को समयमा सोही स्थान केन्द्रबिन्दु भएर ५.२ म्याग्निच्युडको भूकम्प गएको थियो।

भूकम्पको धक्का जाजरकोटसहित आसपासका जिल्लामा समेत गरिएको थियो।

यसअघि बिहीबार दार्चुला केन्द्रबिन्दु भएर ४.० भ्याग्निच्युडको भूकम्प गएको थियो।