अर्घाखाँचीमा जिप दुर्घटना: २ जनाको मृत्यु, २ घाइते

अर्घाखाँची– अर्घाखाँचीमा जिप दुर्घटना हुँदा चालकसहित दुई जनाको मृत्यु भएको छ। दुई जना घाइते भएका छन्। 

मालारानी गाउँपालिका–३ ढुंगाडेस्थित लुटीपोखरी–खनदह भित्री सडकखण्डमा भएको दुर्घटनामा दिलीप खनाल र बालकृष्ण रिजालको मृत्यु भएको जिल्ला प्रहरी कार्यालय अर्घाखाँचीले जनाएको छ ।

लुटीपोखरीबाट खनदहतर्फ जाँदै गरेको लु२च २९९० नम्बरको जिप सडकबाट करिब २५० मिटर तल खसेको थियो। 

घाइते भुवन पोख्रेल र वसन्त पोख्रेललाई थप उपचारका लागि बुटवल लगिएको जिल्ला प्रहरी कार्यालय अर्घाखाँचीले जनाएको छ।