एकैदिन तोलामा ५ हजार ७०० रुपैयाँ बढ्यो सुनको मूल्य

काठमाडौँ– नेपाली बजारमा सुनको मूल्यले ऐतिहासिक रेकर्ड कायम गरेको छ। बिहीबार एकैदिन तोलामा ५ हजार ७०० रुपैयाँले बढेर उच्च मूल्यको रेकर्ड बताएको हो। 

नेपाल सुनचाँदी व्यवसायी महासंघका अनुसार बिहीबार सुन तोलाको १ लाख ८१ हजार १०० रुपैयाँ पुगेको छ। बधुबार १ लाख ७५ हजार ४०० रुपैयाँ थियो। केही दिनदेखि लगातार घटिरहेको सुन उक्त दिन तोलामा २ हजार रुपैयाँले बढेको थियो। 

यसअघि चैत २१ गते तोलामा १ लाख ८० हजार ३०० पुगेर रेकर्ड बनाएको थियो। त्यसपछि घट्न थालको थियो। 

यस्तै, चाँदीको मूल्य पनि बढेको छ। चाँदी तोलामा १ हजार ९०० रुपैयाँ पुगेको महासंघले जनाएको छ। बुधबार तोलाको १ हजार ८३५ रुपैयाँमा कारोबार भएको थियो।