मकालुमा लेक लागेर चिकित्सकको मृत्यु

मकालु बेसक्याम्प जाने क्रममा लेक लागेर एक जना चिकित्सकको मृत्यु भएको छ।

उकालो

शनिबार, ३० चैत, २०८१

मकालुमा लेक लागेर चिकित्सकको मृत्यु
प्रतीकात्मक तस्वीर

संखुवासभा– मकालु गाउँपालिका–२ डाँडाखर्कमा लेक लागेर एक जनाको मृत्यु भएको छ। 

जिल्ला प्रहरीका कार्यालयका प्रहरी नायब उपरीक्षक दक्षकुमार बस्नेतका अनुसार शनिबार बिहान तनहुँको भीमाद नगरपालिका–२ का २७ वर्षीय डा. आशिष सिग्देलको मृत्य भएको हो।

मकालु बेसक्याम्प जाने क्रममा चार हजार २०० मिटरमा सिक्देललाई लेक लागेको अनुमान गरिएको प्रनाउ बस्नेतले बताए। उनको शव परीक्षणका लागि जिल्ला अस्पताल ल्याउने तयारी गरिएको उनले जानकारी दिए।

दुर्गम र जटिल भौगोलिक अवस्थाका कारण सिक्देलको शव आइतबार मात्रै खाँदबारी ल्याइसक्ने प्रहरीले जनाएको छ।

प्रतिक्रिया दिनुहोस !