भोजपुरमा ट्याक्टर दुर्घटना, वडा सदस्यसहित २ जनाको मृत्यु

भोजपुर– भोजपुर नगरपालिका–३ सेतीबगरमा ट्याक्टर दुर्घटना हुँदा दुई जनाको मृत्यु भएको छ।

मृत्यु हुनेमा भोजपुर–५ का वडा सदस्य ५२ वर्षीय निरप्रसाद फुयाँल र सोही ठाउँका ५५ वर्षीय भक्तबहादुर थापा रहेको जिल्ला प्रहरी कार्यालयका प्रमुख युवराज तिम्सिनाले जानकारी दिए। 

भोजपुर नगरपालिका–५ बोखिमबाट गोबर मल लिएर गइरहेको  प्रदेश १–०२–००३ त ११२४ नम्बरको ट्याक्टर शनिबार राति दुर्घटनामा परेको थियो।

घटनाका विषयमा थप अनुसन्धान भइरहेको र ट्याक्टर चालकलाई नियन्त्रणमा लिएको उनले बताए।